Die Here lei mens tot Sy wil en eer na elke plek om voetspore in mense se stukkie aarde en harte na te laat.

Die oomblik wat jy daar arriveer met jou sakkie vol kennis, weet jy nie altyd hoekom jy presies daarheen op die lewenspadkaart gelei is nie, maar wel dat God jou reis sal seën en beskerm.

Dit is vir my ń voorreg om deel uit te maak van die HaMaKom familie.

Hier by HaMakom is daar tyd vir mekaar, tyd vir elke kind in klein klassies en tyd om die Here se naam groot te maak. Daarom is daar tyd vir leer en tyd vir omgee. Hier kan ons droom en werk in ons taal. Wat ‘n voorreg!!!

Jeremia 29:11 “Ek weet wat Ek vir julle beplan, sê die Here: voorspoed en nie teenspoed nie; Ek wil vir julle ‘n toekoms gee, ‘n verwagting!”
Ons gesin se pad is oopgemaak na Brits toe en myne na HaMakom toe. Met die kleiner klasse en familie atmosfeer glo ek dat die Here my weereens geplaas het waar ek sal kan floreer en die leerlinge sal kan help om te besef dat daar vir hul ‘n toekoms is.

Job 31:4 “God hou my paaie dop en tel elke tree wat ek gee.”
Ek glo vas dit is die rede hoekom ek die voorreg het om by HaMaKom te wees. Ek sien met verwagting uit na elke tree wat Hy vir my by HaMaKom beplan. Mag ek die wysheid, insig en kennis ontvang om daagliks ‘n verskil in elke kind wat oor my pad gestuur word te maak.

Ons skool behoort aan ons Hemelse Vader, daarom is dit ‘n skool van rustigheid, vrede en vreugde waar elke leerder sy of haar loopbaan kan begin. Daar is ‘n geleentheid om te groei vir elkeen. HaMaKom is ‘n skool met sterk waardes vir opvoeding, leierskap en leiding aan elke eerder.

Veilig onder God se beskermende hand! Een van die eerste waarwordings wat ek aanvanklik as ‘n ouer van HaMakom gehad het… Dit het die saadjie geplant van ‘n droom om deel van hierdie besonderse omgewing te wees. Die wete dat elkeen op hierdie terrein gekoester en toegevou word in ons Skepper se liefde, het my veilig laat voel vir die nuwe uitdagings in my lewe. Dit was sigbaar hoe HaMakom menige leerders se lewens positief verander. My roeping is ongetwyfeld om te onderrig en hulp te verleen aan ons kosbare kinders wat midde die uitdagings van hedendaagse lewe ‘n toekoms vir hulself moet vind. HaMakom bied die geleentheid vir leerders, ouers en onderwysers om as ‘n span in hierdie doel te groei en sover moontlik hul potensiaal optimaal te bereik. Vandag is ek dankbaar om deel te wees van hierdie span!

Die begeerte in my hart om ‘n verskil te maak in kinders se lewens en God se groter plan het my na HaMaKom gebring. Uniek as skool is HaMaKom beslis. Kleiner klasse maak dit moontlik om elke leerder in totaliteit RAAK te sien. Die atmosfeer, samewerking en omgee is opvallend en om veilig te voel en te weet God is in beheer.

By HaMakom is God in beheer. Dit is nie slegs ‘n plek van onderrig nie, maar ook van vrede, vreugde en rustigheid. Hier kry leerders die geleentheid om in totaliteit te ontwikkel, deurdat die passievolle, geroepe personeel hul op vele gebiede vergesel op die pad na optimale ontwikkeling. Dit is vir my ‘n voorreg om deel te wees van HaMakom!

HaMakom bied aan my die geleentheid om in my beroep te ontwikkel en groei. Ek strewe daarna om kwaliteit onderrig in my vakgebied by HaMakom te implementeer en aan te hou groei.

Die skool waar die Here heers!!! In ‘n donker wêreld, ‘n lig skyn van liefde en omgee, vir elke leerder wat by HaMaKom se hekkie instap. Dit is ‘n voorreg om deel te wees van die skool wat soveel liefde gee en ‘n lig vir die wêreld is.

Die skool waar die Here heers!!! In ‘n donker wêreld, ‘n lig skyn van liefde en omgee, vir elke leerder wat by HaMaKom se hekkie instap. Dit is ‘n voorreg om deel te wees van die skool wat soveel liefde gee en ‘n lig vir die wêreld is.

“Die plek waar God jou instruksie sal gee.” Dit is die kern van enige van my besluite; God. 

My hele hart is om te lei en bedien. Dit is hier dat God se kennis my roep om die jonger generasie te kweek en lei in ‘n wereld waar mens soms gebroke en jejaagd leef.

“Die plek waar God jou instruksie sal gee.” Dit is die kern van enige van my besluite; God. 

My hele hart is om te lei en bedien. Dit is hier dat God se kennis my roep om die jonger generasie te kweek en lei in ‘n wereld waar mens soms gebroke en jejaagd leef.

Hier word geleentheid gebied om kinders te kan bedien, met ‘n vrolike, veilige omgewing en God as leidsman. Respek vir mekaar en die familie-atmosfeer, maak Hamakom Privaatskool ‘n lekker omgewing om te wil wees. Hierdie het ek ervaar as ouer en nou ook as werknemer. Spreuke 22:6 “Leer ‘n kind vroeg hoe om te leef en hy sal tot sy ouddag toe reg leef.” Wat ‘n voorreg om deel te wees, om ‘n verskil in ons kinders se lewe te kan maak!